تحذيييييييييييييييييييييير لا تاكلوا السم اللى فى العسل

السلام عليكم ورحمة الله




صباح الخيرات ويا رب الجميع يكون فى خير


انا ياجماعة لاحظت حاجة فى منتهى الخطورة وعشان انتوا حبيباتى حبيت انى احظركم منها احنا كلنا طبعا ممكن نقعد نتفرج على التليفزيون ويكون اولادنا قاعدين معانا ولاحظت ان اكتر الافلام اللى بقت بتتعرض لمشاهير الممثلين اللى ليهم جمهور كبير بقت بتحتوى فى مضمونها على حاجات تمس ثوابت العقيدة وبتتقال فى جملة عابرة ولكنها بيكون لها تاثير السم فى العسل ففى الوقت اللى احنا بنبقى قاعدين احنا واولادنا على اننا بنقضى وقت لطيف معاهم قدام التليفزيون احنا فى الواقع بنكون بنغير عقيدتهم واحنا مش حاسين ناخد مثال كدة على الماشى عشان نبقى متصورين الكلام1 فلم ولاد العم احتوى على جملة عابرة فى مشهد الممثل الصيدلى اليهودى بيقول لكريم عبد العزيز انا يهودى مش صهيونى عارف الفرق بينهم ولقيت بعدها مش طفل لا دة واحد فى ال50 من عمرة المفروض العقيدة راسخة جواة و بتكلم معاة عن قضايا تخص الديانات لقيتة بيدافع عن اليهود وبيقولى دول مش صهاينة والمفروض المستقر فى عقيدتنا الكرة والعداوة لليهود بجميع مللهم 2فيلم الف مبروك بيعرض ان احمد حلمى لة اخت بنت فى سن المراهقة بتكلم زميلة على النت من وراة وجايبينه فى نهاية الفلم ان هوة شاف انة كان غلطان فى حقها وظالمها وظالم صاحبة طاب نودى حرمة البيوت فين وكل صاحب بقة يتكلم مع اخت صاحبة وهية وحظها تكمل العلاقة بجوازة او تكمل بجنازة وكمان البنات عادى بقة تتكلم مع شباب على النت مفيش مشكلة 3 فيلم مرجان احمد مرجان اللى شغال حياتة بالرشاوى وفى لقطة بيقولها انا شاطر وموهوب جدا فى النقطة دى و بتقولة انتة تعرف ترشى ربنا جابوا المنظر اللى بعدة بيصلى وبيطلع ناس تحج وتعمل عمرة طاب نودى فين ان النار اولى بالمال الحرام وان الله لا يقبل الا الطيب من المال وهوة فلوسة كلها بالرشاوى والتهرب من الضرايب واخد حقوق الناس طاب منظر تانى وهوة بتاسف لبنتة عشان ضربها قلم بعد ما قالتلة انتة متشرفنيش تكون ابويا وبيقولها انا هذاكر وهشرفك طاب نودى فين ولا تقل لهم افا ولا تنهرهما يا ريت اللى حاضر فى زهنها اى افلام تانية او مناظر تانية تكتبها وتضيفها وكلنا نوعى انفسنا ونوعى اهلنا واولادنا اننا بقينا دايما محطوت لنا السم فى العسل ولو لا مفر معندناش لسة الارادة لمقاطعة الافلام وهنتفرج على افلام يبقى لازم نبقى صاحيين وعارفين احنا بنزرع جوة اولادنا اية وبنزعزع جوة قلوبنا اية من العقائد واسال الله ان اكون واياكم اول المتذكرين والمتعظين يا جماعة فية مشاركة فى الموضوع فى الصفحة5باسم الفتوكة ام عبد الرحمن83عن كرتون الاسبونج بوب يا ريت كلنا نشوفها واى فتوكة عندها اى اضافة يشرفنى انى اضيفها للموضوع هنا لعل الله يجعلها فى ميزان حسناتنا جميعاويا ريت كل فتوكة تتابع اللى بيضيفة الفتوكات فى الموضوع فى الردود من تحذير من قنوات او مشاهد فى افلام زى كدة ونوعى اطفالنا بيها ونوعى اهلنا ونطلب منهم همة كمان يوعوا الغير وتكون محاولة مننا ان شاء الله للدفاع عن ثوابت عقيدتنا اللى بيحاولوا دايما يضربوها