تشيز كيك بالاوريو

" تشيز كيك الاوريو "

وحده من الزميلات بالفليكر سالتني مره عنه
وهذا نتايج بحثي بقوقل
بس استعجلت عليه وقطعته قبل يبرد كويس ..
الطريقة :
القاعده اللي هي الطبقة الاولى ..
بسكوت دايجست + اوريو منزوع الحشوة
بدون قياس اكسر بالطحون واطحنهم اهم شي اللون يصير مب فاتح
تقريبا نص علبة الدايجست الكبيره .. اما الاوريو يمكن الكرتونه اللي فيها اربع علب
بعدها اضفت ملعقتين سكر بني ..
لو تبغين زبده اوكيه , لكن لقيت الزيت + الماء
مره كويس وطعمه مافيه اختلاف عن القاعدة اللي بالزبدة
مقاس الماء والزيت .. بالبياله نص مويه ونص زيت ثمن احطهم على البسكوت واعجنه كويس
بقالب التشيز كيك او اي صينيه
اغلفها بقصدير واحط خلطة البسكوت واضغطها .. لوتبغين بااطراف عاليه او اكتفي 2 سم ارتفاع
2/ الطبقة الثانيه :
2 فلادلفيا الحجم الصغير
كوب لبنة نادك ( افضل لبنه للتشيز كيك لانوه فيها حموضه ) اخلطها مع عصير ليمونه
بديل لساور كريم .. للي مايحصلة
بيالة حليب مركز غير محلى ( ابو قوس او اي نوع متوفر )
4 بيضات
رشة فانيليا
كوب سكر
كلهم بالخلاط ..
الطريقه اللي اخذتها من احد المواقع .. تكسرين الاوريو بحشوته وتضيفينه مع الخليط بس بدون تحريك
ثم تحطينه على الطبقه الاولى
بفيدك انوه الاوريو يكون معبي كل الطبقه البيضا
انا ماسويت كذا لاني ماجربته قبل فاخفت من نكهته
حطيت الخلطه البيضا عادي على الطبقه الاولى ثم كسرت الاوريو وحطيته على الوجه
ولو حسيتيه حيل طافح فوق بالملعقه حاولي تنزلينه لتحت ..
الفرن اكون مشغلته قبل يسخن
واحط قالب التشيز كيك بوسط صينيه اكبر فيها شوي مويه مغليه
25 دقيقه وممكن اكثر انتي بعود الاسنان شيكي عليه لو طلع لك بدون سوائل عالقه فيه
طفي الفرن وخليه شوي داخله
خليه يبرد خمس ساعات برا او بالثلاجه .. يساعد بالطعم والطبقات تتشرب سوائلها

شكرا جزيلا

موضوع رااائع

ومجهود اروع

جزاك الله كل الخير

شگرآ لمرورگم آلطيپ لموضوعي

يعطيك الف الف عافيه

موضوع رااائع

وجهود أروع

ننتظر مزيدكم

بشوووق