القصيدة الجريئة " هو احنا عملنا الثورة عشان لامؤاخذة ضعاف الدين "

هو احنا عملنا الثورة عشان لامؤاخذة ضعاف الدين
و خرجنا نطالب بالتقويم لسلوكنا و مش حاسين

جلابيه و دقن ديكور اصبح مشهور معرفش ازاي
و يقولك هدم حضارة و فن دعارة و إسلام جاي
دي عقول موزونة بلِفتْ دماغهم زفت و زي الطين
هو احنا عملنا الثورة عشان لا مؤاخذة ضعاف الدين

دستور مكتوب بالغصب سياسته النصب كفايه حرام
و فصيل واحد متحكم لأ و مستف ورقه تمام
قال إيه أطياف الشعب بحالهم شاركوا و متناصفين
هو احنا عملنا الثورة عشان لامؤاخذة ضعاف الدين

أخبارنا بقت متسرش خير متقرش كله سواد
و ف كل يومين أموات السيد مات و العبد ارتاد
مشاكلنا بقت أضعافها محدش شافها و ريس مين
هو احنا عملنا الثورة عشان لامؤاخذة ضعاف الدين

جبناهم من صندوق النهضة نزلنا لسابع أرض
خيراتنا بقت تتوزع سُـنـة علينا و غزة الفرض
دي مصيبة إيه دي ياربي حكومة ضعيفة بمُخ تخين
هو احنا عملنا الثورة عشان لامؤاخذة ضعاف الدين

الشعب ف وادي و هما ف وادي و مين هيبص عليك
عايزين يجيبولك حقك بس يعودوا لصرف الشيك
بيطالبوا المجلس يرجع لجل يشرع ف القوانين
هو احنا عملنا الثورة عشان لامؤاخذة ضعاف الدين

ياخوالنا محدش يفهم ان سكوتنا ملازمُهْ دوام
الثورة عشان نحميها نكمل فيها بإخلاص تام
يا شبابنا الحالم اوعى تسالم و ارجع للميادين
هو احنا عملنا الثورة عشان لامؤاخذة ضعاف الدين

مطالبنا مازالت عايشه و هنحققها يارب آمين
حرية و عيش و عدالة و محو بطالة مع التمدين
ثورتنا و هنكملها لحد الآخر مش خايفين
هو احنا عملنا الثورة عشان لامؤاخذة ضعاف الدين


مصطفى طاحون @

ما شاء الله أبداع بلا حدود و بانتظار أبداعاتكالقادمة

سلمت اناملك اخي الكريم شكرا لك لموضوعك المميز
ما شاء الله سلمت اياديك على موضوك المميز و جعلهافي ميزان حسناتك
جزاك الله كل خير اخي الكريم
الله يعطيك العافية على الموضوع المميز
ما شاء الله أبداع بلا حدود و بانتظار أبداعاتك القادمة