خاطرة شعرية : مغاربة حتى الموت ..

بلادي زينة بطولة وشهامة

شعب أمجاد سِلْم وسَلامَة

تاريخ الرجال زاحوا الغمامة

وحاضرْ متين زيتون وحمامة

ديما الفوق شامخ طربوش وعمامة

مغربي ديما وهاذيك العلامة

@@@@@

اللي بغانا مرحبا .. بحليب وتمر

وكرم معروف زمان .. بمراش الزهر

واللي كرْهْنا .. يشرب كاسو المر

كيف النار تاكل بعضها .. وتخمد فالحر

الصحراء مغربية ديما .. وقوتي فالسر

الحق نبغيه .. وعليه ندافع من حياتي الْقبر

@@@@@

قالوا لي جدودي .. ولقيت بلادي فتانة

رجالها ظرافة وعقل .. وتخطيط فنانة

يبنيوْا الغد .. بثقة وفن ورزانة

هاديك بلادي .. زين ومتانة

نفديها بروحي .. تراب ، شجرة ورمانة

مغاربة تالموت .. فالعالم رنانة