مـــثـــل الـــســـحـــآبـــه

النـآس هاذي ما ثناني نكدها

لا جـا لزوم العلم وقت أحتدامه

ما دمت في دنياً قـليل أمدها

ماني معقب كل غلطه ملامــه

و اللي حذف له كلمة ما وكدها

لا بد يلقى في طريقه كلامـــه

يالنفس كانه من لسانه فقدها

كلٍ وقدره بالرجال و مقامـــه

تدرين من صف البيوت و حشدها

ما همه الحراب لـ أرسل سهامه

و النار ، لازم ينتبه من وقدها

الجمر فوق الجلد يترك علامه

صوت الذيابه لا تعاوت وحدها

صداه يرجع بالشقى و الندامه

و الضايع اللي لا تكلم سردها

امن اندماجه فالكلام و هيامـه

بأصل مدام الرجل ربي سندها

وأجعل من أسمي ل التميز علامه

و أطير في دنياً وسيعٍ مددها

فوق السحب مثل الصقر في جهامه

عندي عزيمه قلّ منهو عقدها

وفرق الرجال بقوّ عقد الصرامه

و بسوقها لين ان تلقى سعدها

نفسٍ مأدبها مبادئ كرامــــه

لا صرت متوكل على من وجدها

النور يجلى كل ليل و ضلامــه

و الـمرجله ما عقّ فيها ولدها

من ينولد حتى تقوم القيامـــه

هاذي حروف الشعر يا من شهدها

خلف المعاني عاشقٍ في غرامــه

مثل [ السحابه ] لا تطايح بردهـا

تصحـي اللي غافين في منامــه