والله محتاجك انا

اكثر من هموم البيه الك مشتاكَـ

واكثر من جروحي وهم بعد اكثر

باقي ابكَـلبي حبك لا تظن ناسيك

وباقي عالعهد لا يمكن اتغير

اتانيك ابحلم اتمرني بس لحظات

انام وما اشوفك واكَـعد اتحسر

اتحسر عليك ابنومي وبصحواي

يعني بكل دقيقه عليك اتمرمر

وذبلن ذني عيوني بكثر ما ابجيك

ومن كَـد ما اناغي عليك من اسهر

ومن كَـد ما انوح نوايحة مهظوم

صرت مامش عدل وعظامي تتكسر

وصدكَـني ابوداعك اظلمت دنياي

وشسولفلك بعد عالعيشه ما اكدر

حياتي ابدون حبك شلي عايش بي

وآني ابدون كَـربك بعد ما اصبر

تصور حالي شوف شلون الك عالنار

اتكَـلب اذا ابذكراك آنه اذكر

تأكد انت جنت الروح الي ودنياي

كل عمري وحياتي وكلشي اتصور

بعد مابيه اعيش ابعالم الاحزان

ابشرك راح اجيك ابشـــــــوكَـ متفجر

واذا انت رحلت من دنيتي توفيت

تظن عالموت هم بغيابك اتعذر؟

اموت لخاطرك صدكَـني موتي يهون

وآني لخاطرك عالموت اصير اخطر

البس خامي راح وبيدي راح احفر

بكَـبري ولاتظن عالموت اتعثر

مو آنه ال اذا محبوبه ميت صار

يبقى بدنيته وعايش ولا تأثر

ولا آنه ال اذا من رحت وتوفيت

بشارع ذكرياتك وحدي بس افتر

بعد ما ارضه اعيش ابدنيتي حيران

ولا ابقى بغيابك ليلي اتحير

لون تدري شكثر ضاكَـت علي دنياي

وحيد وحتى روحي من الجسد تطفر

صرت بس ذكرى عاشكَـ عايش ابلا روح

على ساعة منيته هوايه يتشكر

ومهجور الكَـلب صاح ابنبض مقهور

اريد ابشـــوكَـ عالمحبوب اتمطر

بذاك الدنيه اريدن بس حبيبي وياي

يا رب العرش وامنيتي بس يحظر

واصيحن من فرحتي الله واكبــــــــــر

سلمت آنآملگ آخي آلگريم شگرآ لگ لموضوعگ آلمميز

شگرآ لمرورگم آلطيپ لموضوعي

مشكور

مشكور

مآ شآء آلله سلمت آيآديگ على موضوگ آلمميز و چعلهآ في ميزآن حسنآتگ

مآ شآء آلله أپدآع پلآ حدود و پآنتظآر أپدآعآتگ آلقآدمة

شكرا على الموضوع الرائع