قصة حب كانت تربط اثنين وافترقوا

هذه قصة حب كانت تربط اثنين وافترقوا
انتو اقرو القصيدة للاخير واحكمو منو الغلطان
الولد لو البنية؟؟؟

الولد..


بهاي عيوني شفتج لا تنكرين
هذاالوجه مايخفى علية ..

مو اني الي شفتج لا تگولين
اميزج لون كنتي بين مية..

صحيح وياج جايز تغلط العين
بس الكلب شافج گال هيه..

وأگلج وين شفتج أذا تريدين
بمكان الي جنا نگعد بي سوية..

وأگلج حتى شجنتي تلبسين
من شفتة عليج شصار بية..

نفس الثوب هذا الگبل شهرين
جبتة بعيد ميلادج هدية...

وهاي الساعة بيدج ما تذكرين
جبتها بسبب تأخيرج علية..

المحابس والتراجي وكحلة العين
نسيتي اني جايبهن بدية...

قناني العطر جانت وحده وثنين
سويتج صدك أجمل ابنية..

جبتلج كلشي حتى انتي تتحلين
تتحلين بيهن مو الية...

حصة غيري صاير تعب السنين
وبس المشترى صاير علية...
وبس المشترى صاير علية ...



البنية..

صحيح اني الشفتها وانته مو غلطان
بنفس الثوب هذا الجبتةالية..

وصحيح اني الجنت ويه شخص ثاني
ماأنكر أگلك اني هية...

صدك كل الي كلته ما انكرة
صحيح انته جبتها كلها الية....



بس أني نطيتك گدهم أضعاف
حنان ولهفة ولوم الناس بية...

جنت شگد أجازف من أجيلك
وأتحمل حجي أمي علية..

الاشياء الجبتها الك انته
البسهن اني وتتباهه بية..

جبته على ذوقك مو على ذوقي
البستها لخاطرك متلوگ الية ..

هداياك گلي شگد تساوي
شتوازي شبابي اي هدية..

اني انطيتك عمر سلمتة بيدك
بساعة ومحبس انته تمن علية..

جاي اليوم تعيرني بيهن
اظن عمرك ولا مقدم هدية..


واني ماشفت منك اي نتيجه
وصار سنين اريدك تحس بية

شفت العمر يجري وكلشي ماكو
كلت الحك لنفسي اني شبية..

من اظل وياك يتركني قطار
باخر لحظه صرت اني ذكية..

جبتلج.. ماجبتلج هذاهمك
لكن ترتبط ... ماألك نية ..

اما الشخص هذا الجان وياي
اعتبرة اني اجمل هدية...

من اول يوم عرفته حسيته صادق
اجانه البيتنا ويطلب ايدية..

وقارنتك انته ويا مرات شفت القلب يمك
لاكن الحب حبيبي بهالزمن عشره بالمية..

والتسعين اني بحاجه الهن
زواج واستقرار واحلام وردية..

لذلك قررت اختار غيرك



واذا اني كبرت قبل بهداياك
اسمحليارجع هالهدية..

اني بخاتم الخطبة تزهي ادية ...

مآ شآء آلله سلمت آيآديگ على موضوگ آلمميز و چعلهآ في ميزآن حسنآتگ

جزاك الله الجنه
موضوع قمه في الروعه
بارك الله فيك وانار الله دربك وقلبك بنور الهدى
تقبلي مروري ولك ودي وردي

شكرآ جزيلا على الموضوع الرائع و المميز