بقلمي-أسهام عزرائيّل

{أسهام عزرائيّل}
......
......
قلعه أظل مهيوب بعيون الجيوش
إلّا جيش العين... ما أگدر عليه
تهاب نظراته صفت حته الوحوش
ومن عيونه الناس صارت تتقيه
أسهام عزرائيّل.. شايل بالرموش
ألف ياويله... الذي سهمه يجيه
أگلوب حملوها بهواه أعلا النعوش
سابي الصوبين. ما عنده شبيه
هو صح يوسف گعد فوگ العروش
وكل جمال الكون يوسف محتويه
لكن بحسنه ......أثر خلّا ونقوش
وبالاخص گلبي أثر خلالي بيه
ريت أگدر.. من ثمر شفته أحوش
وآنه بس ياريت بشفافي أبتديه
وريت أبني ..أبين رمانه عشوش
وبحلم أغفه ...ويغطيني باديه
عالي الرمان ...وأيدي ما تنوش
وما أظن ينباع حته آنه أشتريه
..............
...........
........كلمات
ناصر اسماعيل الموزاني

شكرا جزيلا

موضوع رااائع

ومجهود اروع

جزاك الله كل الخير

شگرآ لمرورگم آلطيپ لموضوعي

شكرآ جزيلا على الموضوع الرائع و المميز