أشهد انت وحدك احلى ما بالكون

أشهد انت وحدك احلى ما بالكون
و لغيرك اگص لساني و ما اشهد
لأن شفت الوصف قطرة بـبحر وياك
و اوصافك شعدد ما اظن تنعد
شعرك غيمة سوده و جلجلت عالناس
كل خصله بحلگ نزلت تبوس الخد
و جبينك نار كسرى اليخضعلهة التاريخ
جم واحد بـواحد بيك يتعبد
يالحاجبك سيف و سيف ذو حدين
من يصعد و ينزل يگطع المبرد
و يالعينك سفاره و رمشك الاعلام
و بـخدك حصانه و ما يمسك احد
و يالنظرة عيونك ثقبت الاوزون
و القطب الجنوبي بلمستك يجمد
و يالكحلك إلاهي و بالجفن مطبوع
يخجل من يلامس جفنك المورد
لا تضحك دخيلك لا تطمع الناس
اسنانك زمرد خاف تتفرهد
و زلفك سعف نخله و من تهب الريح
من دون ذنب ينسطر فوگ الخد
جنح فراشة خدك من اطخه يذوب
و لهذا السبب من لمسك اتردد
مثل مصباح سحري الحنج من ينجاس
و المارد ضواه فوگ الوجه يمتد
و انت گبال وجهك صفن حتى النور
طلع النور بيك و منك تولد
رگبتك روجه وكحه معانده السفان
من تعرگ رگبتك ينكسر كل سد
يبو ساگ الشمس لا تحرگ المحروگ
لو يعمى اليصدلك لو يصير ارمد
و من تمشي على كيفك ينفخ بالصور
و الاوادم تتبعك بيك تتعبد
مرقد كل بشر ينصب فوگ الگاع
و انت بروحي حضره و ظلك المرقد
شگد شايف بشر و شگد شفت حلوين
بس مثلك حلو ما اعتقد يوجد
المفروض لجمالك ينصب تمثال
حتى يظل جمالك دوم يتخلد
قاسوك وية يوسف بالجمال الناس

مآ شآء آلله أپدآع پلآ حدود و پآنتظآر أپدآعآتگ آلقآدمة

شگرآ لمرورگم آلطيپ لموضوعي

شكرآ جزيلا على الموضوع الرائع و المميز