صبرك ياوطن ماشالته اجبال

صبرك ياوطن ماشالته اجبال

شامخ رغم جرح البيك جتال

صار الموت نار بكل البيوت

وعراريس الحطب ياروحي واطفال

وطن طول ابعرض حكموه بالعدام

وشربو نخب موته ابليل الانذال

صعد للمشنقه بس بيه الحسين

انكطعت ماتشيل اجروحه الاحبال

عراق وعشت عمرك بين السجون

ولياليك حزن ماتخلص اطوال

السجن ما ينفتح بس للتوابيت

وعشت بين السجن والموت رحال

صرت ام وتدور بين الكبور

مظيعه والدمع نيران همال

على كل باب واكف بيك تابوت

وعلى طولك الموت امفصل افصال

نسيت اتريد اذكرك بالجره اوياك

وبحزانك الصارت مضرب امثال

انته اول وطن من مرك الموت

تلكيته اعله طولك ملكه خيال

وانته اول وطن بكبوره يلكون

خراخيش اللعب بجيوب الاطفال

على صدرك اكلاده شايل الموت

وعمر خلصته بالجبهات ترحال

وعنوانك واسمك بيهه مرسوم

راس اعله الرمح كل ساعه ينشال

المحاجر تطلك ابولدك والسجون

وعلى احبال المشانق تولد ابطال

جبل حته بدمعته الوطن مهيوب

اذا يبجي الجبل دمعاته شلال

اولدك ماتصير بحظن كاروك

تجي للدنيه رأسن ولدك ارجال

الشمس امهم وابن الشمس لوصار

تلفه بالسمه وتكمطه بهلال

واذا متريد ولدك ترجع اتموت

بكل ساحه بعد لاتبني تمثال

مآ شآء آلله أپدآع پلآ حدود و پآنتظآر أپدآعآتگ آلقآدمة

شگرآ لمرورگم آلطيپ لموضوعي

شكرآ جزيلا على الموضوع الرائع و المميز