الشاعر جعفر عبد لدراجي (عيون) شعر شعبي

نسج الصراط انرسم بجناح عين اضواي
وكل منعطف باالاثر جنحه برموش اهواي

كوس الشفاه تنقرع لو لفض اي كلمه
وتسكر لحين الحشر عيني ابخمر رسمه
يشرك الروح الجسد لولفض كلبي اسمه
ولوماشمس وجنته جا ماغفت نجمه

وانضن قبل عجزت نجمه العلئ بيتي
وابلحضه صاحت علي هاك اخذ ذريتي
جنت ابوطن حصرتي وامسلبه امنيتي
ولدت ملك من هوا واتلبس ابريتي

وانضن كبل عجزت وامخلفه لنه السما
وعين الصكر وردت نور اعله كاع العما
ومن كد نسيم العشك زهرت الوان الدما
قاع ابحر لاغرك لا عرف معنئ الضما

ملحمة حب للابد بيها الضمير السيف
وحجاره بيها الخجل كسر كئوس الكيف
واجفانه الي انغنت ماتمد جف للطيف
ثوب الربيع انلبس وانزع ثوب الصيف

آلله يعطيگ آلعآفية على آلموضوع آلمميز

شگرآ لمرورگم آلطيپ لموضوعي

شكرآ جزيلا على الموضوع الرائع و المميز