مسحته العشك ذاك الجان بالروح

مسحته العشك ذاك الجان بالروح

--------------------------------------------------------------------------------

كلبي خاف اتشوفه عذال
صفه جنازه الدمع وعيونه تابوت

توضيت بصبر من اذن الضيم
وقريت ايات حزن البيه بسكوت

مسحته العشك ذاك الجان بالروح
وكمر حبنه بادي سلمته للموت

كبل كلي ارتجف لو يمي ذكروك
واكوم استعد لوبس ذكرك يفوت

هسه بكل برود اتلكه طاريك
مثل دفان وتسولفله عالموت

كبل كلبك احسه بكبر بغداد
واجيك بكل وكت جنت اني بسكوت

احس نضرات عينك تسحر الروح
ويضل تمثال حبك بيه منحوت

هسه بفتح روحي تهدمت اصنام
ومن مأذنة كلبي يكلك الصوت

اخذ كل السوالف وارحل بعيد
اخذ دمعي وضحكتي وذكرياتي

واخذ شجره انرسم بخدودها ادموع
قصة عمرك وسيرة حياتي

وسولف لاصدقائك.. لليسألون..
كلهم عن عشكنه المشه وماعاد

وكلهم عن حبيبك جان مخدوع
وخلص عمره اعلى بابك رايح وراد

طفه سنين عمره وضوه دنياك
وجازيته ونثرت بعينه الارماد

خل الناس تحكم بين الاثنين
منو جان الضحيه ومنو الجلاد

منو الجان اعلى طوله الجرح مرسوم
جرح ينزف من راسه للساس

اريد اليوم تتحاكم على الصار
حكم قاسي بقساوة ليل الفراك

واريد الناس تعرف قصتي وياك
وكلهم بالدليل اشسوه البعاد

ولان حبك الزاد اليغذي هالروح
كلهم مات جان مفارك الزاد
كلهم مات جان مفارك الزاد.

آلله يعطيگ آلعآفية على آلموضوع آلمميز

شگرآ لمرورگم آلطيپ لموضوعي

شكرآ جزيلا على الموضوع الرائع و المميز