قصيدة الحلم

23/09/14, 03:50 pm

الحلم كبرا جناحة الجنت اشوفك بيه..

الخذك ماكفة طولك خذة الحلمي وياك..

الخذاك من القلب جر اثنعش شريان..

اثنعش معصوم جر من كلبي من جراك..

صبغنة اوجوه ناس وانته ضلك ماي..

الذنب ذنب الغشيم من ارتوة وبداك..

اشتم ريحتك واحضن الحضنوا بيك..

واشهك شوفتك كل مايمر طرواك..

يعرفوني عليك العرفتهم بيك..

وتريد ادموعي اكضهن وانسة واتلافاك..

الحلم بشفايفك هسه على طولك نام..

حرامات الخذك بالكلب ماخلاك..

اريدك وراضي بعيوبك وخل يحجون..

هوة العندة مثلك عيبة من ينساك..

تمشي بالي بس نكلة اجدامك وين..

ماحس بيك جا غير اعرف شمشاك..

بيش تريد احلفك وانة احلف بيك..

شوفتك لغيري وشوفتني اكفاك..

جنت من بيتكم تطلع بكلبي تفوت..

جدمك ماعثر يم غيري من وداك..