بياض الطهر بياض الطهر

الله ..اكبر يا صباح يهزني شوق وحنين
للي قلوب المسلمين تجلها وتحبها
طيبه ثراها يحضن أطهر من ظهر في العالمين
صلى الله وسلم على برد القلوب وطبها
التائبين العاكفين الراكعين الساجدين
في مسجد فيه القلوب اللي تناجي ربها
هذا الحمام يعانق أطراف الغمام بكل حين
هذي مآذنها ودعوات الظلال تجبها
شوف الصغار اللي على حفظ الذكر متحلقين
شوف الشيوخ اللي دموع الخاشعين تصبها
هذي جنان أهل التقى هذي رياض الصالحين
محروم من خير كثير اللي وصل ما طبها
هذي قباء اللي رحبت بالسابقين الأولين
عن هجرة أهل الزيغ يوم ابليس قام يشبها
ياللي تسبون النبي ياالحاقدين الحاسدين
هذا رسول الدعوة اللي مندحر من سبها
حنا هل التوحيد ما منا يسار ولا يمين
دستورناالقران والا انتم لكم كتب يكتبها
هذابياض الطهر والا انتم عصاة وسافلين
ثالوثكم منكوس في لوحة دجل يصلبها
يا مدعين ألرحمه أنتم سارقين وقاتلين
كم من مآسي في شعوب الارض أنتم لبها
مالوم انا غير التقاعس يا أمة الحق المبين
هم يصنعون الطائرات وجيلنا يلعبها !
شوفوا صواريخ العداء دكت بلاد الرافدين
ما عندنا الا قرارات الامم نشجبها
الله أمرنا نرهب أعدانا وحنا نايمين
القوه اللي ترهب العدوان ليه نكبها ؟
شوفوا ظلالات الخوارج والسفه والمرجفين
هذا يكفر ذا وذا عصايته يضرب بها
من زود ما فينا من الغفله وضحك الشامتين
ما كن للغيره بداخلنا هبوب تهبها

يعطيك الف الف عافيه

موضوع رااائع

وجهود أروع

ننتظر مزيدكم

مشكووووووور

يسلمو على الموضوع :)