القناعة انتصار.!

17/06/14, 12:35 am

لأبوي لأمي للعمر للحزن للحلم الفقير
للضحكه الصفرا لأرضي للأساور للحصار

لعداي للي حبّني لليل للقلب الكسير
للمجتمع للصبر لأشعاري لغصّة انتظار

شطرتني نصفٍ تعرفونه والآخر بي أسير
مايعرفه غير الوساده والبحر والإنكسار

والخطوه اللي عوسجت دربي وحدّتني أطير
لآخر سما عيني أدسّ الدمع عن عين النهار

بنيت من عزمي وطن يجمع شتاتي للأخير
حاولت أقنع طفلتي إن القناعه انتصار

وإن العمر مرجوحة الأقدار لو ضاقت عبير
وألا رضت عن ذاتها ذات الفضيله والخمار

وإن التعب أنثى تثنّى بين صار ومايصير
وإن السعادة روح تشعر بالتفاصيل وقرار

تبقى رغم كل الظروف بعينها دايم كبير
بأحضانها دعوة عفو من ذنب محتاج لفرار

أجمل سفر ساعة عبور الصبر بأقدام الضمير
جسرٍ تكدّس بالحزن وآخر ملامحه انهيار

وأبشع شعور أنثى خذلها البوح والموقف مصير
الخوف سمّر حكيها والصمت جرعة انتحار

علّقت في صدر الزمن حلمي وزوّادة فقير
وفتحت للشمس النوافذ للبقا دون الحصار.!

لكم ودّي و القناعة انتصار.! I