شعر شعبي حزين عن معاناة كبار السن

كَعدتك عالجسر محتاجه دستور
وصفنتك هاي تكفر بالقوانين
يلمفروض تكسر ظلك ارواح
موتاخذ افياي من الكراتين.!
هيج ومابقالك فقط ميزان
شعجب دنياك جفت ماكو ليعين .؟
يلمرجف البيارغ ساكت شبيك .؟
مكانك ذاك بصدور الدواوين
تجاعيدك هموم مكحله ابآآه
يبو جف اللوه اذراع البساتين
يلمفصل كرامة وكصتك فيض
تباً للزمن خلاك مسكين

يرجى عدم نقل الموضوع بدون ذكر المصدر

الله ع هذا الشعر والصوره المعبره لا حول ولا قوه الا بالله

شكراً على مرورك الطيب والرحب