25 نكته مغربيه

31/03/13, 05:39 pm

قليك هدو جوج صحاب كانو نعسين فخيمه جا الاول سأل التاني قاليه شنو كاتشوف قدامك
قليه التاني كنشوف السماء صافيه النجوم واضحه وجميله
قليه صاحبو واش كايعني هادشي
التاني قليه كيعني ان الجو جميل واننا في فصل الربيع
وهو يقليك صاحبو افييييييييييييييييييق جمع راسك راهم سرقولينا الخيمه

هدا واحد أحول...... تسجل في الجيش ...... حطوه في قسم القصف العشوائي.

محشش شرا بورطابل ..دارو فجيبو..واحد الوقت بدا يفيبري..لاحو قال ولد الحرام باعو ليا حي

هدا
مغربي و فرانساوي وميريكاني كانو فطيارة غالهوم الپيلوط لعرف بلادو ينقز
جا لميريكاني شاف برج الحرية نقز جا الفرانساوي شاف برج ايفل نقز جا لمغربي
كانت عندو ساعة ديال الدهب خرجهاحدا الباب فالسماء رجع يدو مالقا والو قال
هادي بلادي و نقز

واحد المعلم عزيزعليه يسلخ الدراري. شد واحد الولد وسولو: باش تغديتي اليوم؟
جاوبو: بالمرقة. هز المعلم العصا وبدا يضرب فيه: ها البطاطا، ها خيزو، ها اللفت، ها اللحم، ها البصلة... حتى شبعو عصا
داز على التلاميد كلهم حتى وصل عند واحد العايق سولو: باش تغديتي؟
هو يقول ليه: بمسكة
وقف المعلم شوية يفكر، وهز العصا حتى السما هو يعطيه: ها الكاغيط الفوقاني، ها الكاغيط التحتاني، ها نضغ نضغ نضغ نضغ....

واحد مبوق طاح من فوق العمارة وتجمعات عليه الجوقة
سولوه الناس: أشنو وقع؟
قال ليهم: ما عرفتش، أنا يالله جيت

واحد
ديما مقلق تزوج بوحدة ديما مقلقة و عصبية بحالو. النهار اللي جا الطبيب
يولد مراتو خرج الولد تيقول للطبيب: سير بحالك ... بعّد مني ... هاني غنخرج
... وافوتني

واحد مبوق حيد جلابتو وعلقها. شوية وهي تطيح هاديك الجلابة، وهي يقول مع راسو: الحمد لله مللي ما كنتش فيها

هدا علي و ابراهيم تشاركو حانوت و واحد النهار علي علق اللافته مكتوب عليها بالفرنسية
alimentation generale
جاء ابراهيم قرا اللافتة كعاو هو يبدلها دار فيها
brahimentation generale

احد
السبيطار ديال الحماق خرجوهم لشانطي باش يشوفوا شكون اللي دار العقل قالوا
ليهم للي تلقا لشي طونوبيل نعطيوه طريف ديال ماروخا كلشي كيتلقا
لطونوبيلات و كيتشتت واحد بقا كيروغ على الطونوبيلات قالوا هدا مول العقل
سولوه علاش كيروغ عليهم قاليهم كنتسنا شي رموك باش ندي باكيا ديال ماروخا.

واحد قالو ليه مني تاكل سمي الله راه الشيطان تياكل معاك ناض دار السم في الماكلة.

معكاز
شرا ليه باه محل ديال دجاج باش يجمع راسو جات عندو واحدة قالت ليه ارا ليا
شي دجاجة فيها 2 كيلو... الدري مكسل.. شاف فدجاج وقال يللاه للي فيها 2
كيلو تنوض.

وحدة كانت مع صاحبها ..وفجأة بان باها..قالت ويلي ويلي بابا..قالها ..ماتخافيش قوليلو أنا خوك.

هدا
واحد القواس مشا يتفرج فواحد لمباراة..المهم بدا لماتش ب 40دقيقة وماكاينش
اللي يسجل الهدف...غير مشا يشرب هوا يتمركا لبيت منين رجع تيجري
ماشافوش...و فاش دارو الاعادة دربات الكرة البوطو...

هدا
واحد ناشط مشى عند البقال ...أو قال ليه عندك قنبولة 180 ريال بغيت نضحك
مع مالين الدار...جاوبو مول الحانوت...زيد درهم أو شري بوطة صغيرة هجرو
ليهم....

هدا واحد المكلخ بغا
اطلع للقمر ...مني كان غادي خسر بيه الصاروخ أو طاح فصحراء سيناء...سحابو
واش وصل للقمر....واحد الشوية جا عندو واحد المصري أو قال ليه (حتموت من
الشمس )..جاوبو صاحبنا متشرفين..(ونا حشحوش من الأرض)

هذا واحد عروبي اول مرة كيشري لبورتابل هو يسمع برسائل (messages)
هو يعطي بورطابل ديالو لصاحبو قاليه كتبلي رسالة قالو مالك متكتبو انت قاليه خطك حسن من خطي