طورطة بالتفاح و البرتقال أكتر من رائعة

ليوم جابت ليكم طورطة ساهلة و غزززززززززززززززال و فوق من هادشي رخيصة ، واللي دقها عندي كتعجبو

المهم بلاما نطول عليكم ونبداو في المقادير ،



2 بيضات
3 معالق سنيدة
6 معالق حليب أو عصير ليمون أو1 دانون طبيعي صغير ديال درهم
6 معالق زيت
2 خمارة
1 لفاني
6 أو 7 معالق دقيق
لتزيين كانحتاجو 2 تفاحة منقين و مقسمين على جوج و مقطعين هلاليات +2 فلن عادي +كاس كبير برتقال




أول حاجة نطرب لبيض مع سنيدة في مولينكس كانزيدو
لحليب +زيت + لفاني تم كنخويوه فشي إناء و كانزيدو دقيق و الخميرة حتى نحصل
على خليط بحال لكيك متقيل مخفيف
نكبوه في مول دائري مدهون و مرشوش بدقيق و نستفو من لفوق ديالو التفاح بطريقة دائرية أ جميلة ،تم ندخله للفرن أ راها داغي كطيب .
مني
تبان لينا قربت طيب نعصر ليمون نخلطه مع فلان و السنيدة و نوضعوها فوق نار
حتى تغلى .مني تخرج لكيك من لفرن نخليوها واحد 2 دقايق أ نكب فوق منها
الخليط أو بصحة أو راحة
اااااااه نسيت مقلتش ديرو هاد طورطة في المول ديال القراصة و إلا ماغاديش تلقاو كيفاش تحيدو طورطة من لمول

شكرآ جزيلا على الموضوع الرائع و المميز


بارك الله فيك

شكرا على المرور