مصيبة الطالبه من تعشق الاستاذ

مصيبه الطالبه من تعشكَـ الاستاذ*
ومصيبه أستاذهه لو ما يعبرهه
هيه بروحهه تحركَـ حَركَـ وتذوب
وهوه مغلس ونظراته يسترهه
يمثل دور ابوهه ومايجيب الدور
ولا يكَدر يوصّله ولا يدبرهه
لأن فارس أحلام تشوفه وتحس بيه
وتتمنى الحواجز يمه تكسرهه
وتكشفله المشاعر واليصير يصير
بس عدهه قلق والقلق دمرهه
أخاف اتصارحه ومايفهم الموضوع
وأنوبه تِرد مكسور خاطرهه


من أول درس بالعشگ رسبت بيه
صفر عدهه النتيجه بهاي عاذرهه
درست دور ثاني ابرحلة العشاگ
ونفس ذاك المدرّس رد يشاطرهه
كتبهه اتخورست والقلم صب دموع
ومناديل اصبحت جملة دفاترهه
الرّحْله اتهزهزت چن هزّت الكاروك
طفلة الطالبه وهاجت مشاعرهه
رفعت ايدهه ولأستاذهه أذّن صوت
سؤال المختنگ بالروح جابرهه
شافاهه المدرّس عرف شنهو تريد
السؤال مبيّن بدمعة نواظرهه
سئلت والخجل مرسوم ع الوجنات
استاذ .. الّي يحب يا كلمه يذكرهه ؟
گال الها ( حبيبي ) وصفنت الحيطان
والصف كله صفّگ لما حاورهه
گالتله حبيبي وما اريـــد ايكون
غيرك دنيتي وهالكلمه فسرهه
صفن والصفنه طالت والجواب عيون
يبنت الناس باچر زفتي أحضرهه
وبعد باچر اسافر وارتحل منا
سفرتي من الصبح حاجز تذاكرهه
سمعت بالخبر والتوت فوگ الگاع
وهي شهگة نفس والموت عاصرهه

مآ شآء آلله أپدآع پلآ حدود و پآنتظآر أپدآعآتگ آلقآدمة

شگرآ لمرورگم آلطيپ لموضوعي

مآ شآء آلله سلمت آيآديگ على موضوگ آلمميز
و چعلهآ في ميزآن حسنآتگ
چزآگ آلله گل خير آخي آلگريم