كلمات البوم نوال الكويتية 2013

( خاطري )

خاطري الليلة أسولف حاسس بقلبي كلام
لو تحبني يالله اسهر لو تحبني .. لا تنام !
يعني ما تقدر تحمّل تنتظري لين أكمل ؟
ضاق صدري وانا أحكي كل ليلة للظلام
فيني أشياء بخاطري ما أقدر أحكيها لغيرك
فيني زحمة من مشاعر تنتظر رحمة ضميرك
وآهـ يتلعثم صداها بصرخة ما أعرف مداها
وكلمة مخنوقة في صوتي ما تخليني أنام ..


***

( أبيك )

أبيك بجنبي الليلة ترا كل الجروح صغار
كبير الجرح في ظنك .. أنا في ظنّي أصغرها
خل اللي سمع يسمع .. أساساً ما بقى أسرار
غيابك كسّر سكاتي وكل أسراري أظهرها
غيابك علّم الدنيا تغيب وتذبل وتحتار
وعلمني عليك أبكي ألوم النفس وأقهرها
أبي ترجع تسولف لي تعلمني وش الأخبار
أنا أحب اختصر عمري في ليلة جنبك أسهرها
تعال ويكفي احراجي تعبت وما عرفت أختار
ترا ما بينك وبيني حلولي انت أكثرها
ولاني ناوي أحكي لك على اللي في غيابك صار
كفاك من الألم عيني ليمن شفت منظرها


***

( يا فاهمني )

يا فاهمني .. يا قاريني من عيوني
يا سامعني .. يا واصل فكري وظنوني
أحبك حب فوق العقل وفوق القلب دنيا قلوب
وحبك ابتدا من قبل ما أخلق وبأول صفحتي مكتوب
يا فاهمني .. يا قاريني من عيوني
يا سامعني .. يا واصل فكري وظنوني
ولاغيرك يشوفوني .. انا الثاني أنا المسجون

تحس بذل ايه الـ لا
تحس بموت لا الـ ايه
ولا تحكم علي ولا تبيّن غير ما تخفيه
ولا عشت بأمان الا معك تدري
ولو أقضي العمر جنبك أحس بدري
يا عاذرني قبل عذري
يا قابلني مثل ما أكون


***

( يا شوق )

يا شوق اقلق منام اللي نساني ذكّره بي
فجّر في قلبه الحنين اللي لعب بي
جيبه أتفاهم معاه
جيبه ما غيرك قواه
لي بذمته أحلام قبل أموت أبحياها معاه
عايش حياته باقي من سكرات حبي
ما عاد يتردد وتمرّ خطاه دربي
عدّاني تراه .. ما اسرع ما مداه
لي في ذمته احلام قبل أموت ابحياها معاه


***

( قصة حبي )

يا أحلى منهو قال كلمة أنا أهواك
يا أغلى من بالكون ما بقلبي حد ويّاك
يا غيمة عشق تحضني وأنا أتظلل بظلّها
انت قصة حبّي كلها وانت كل حرف منها
لون الحياة ويّاك ما شفت مثله لون
لوّن لي الأيام يا عمري مدري شلون
انت ابتهاج الروح وانت ابتسام النور
وانت اللي وين ما اروح ألقاني فيك مأسور
ياشوف العين وعشق القلب والطيبة وأصلها
انت قصة حبي كلها وانت كل حرف منها


***

( مستحيل أنساك )

على كثر الهموم اللي تجيني من هنا وهناك
حبيبي كل همي يهون يوم ألقاك قدامي
من أول ما نظر عيني يعانق بارق محيّاك
بشوفك تحتفل حتى الجروح وتسكن آلامي
كأني في زمن غير الزمن لمّا أكون وياك
وكنّ العمر يبدا في لقاك وتشرق أيامي
أحبك كل شي فيني يحبك / يعشقك / يهواك
ولا أحد بالهوى مثلي متيّم وهايم هيامي
عيوني / مهجتي / وروحي / فؤادي منزلك وحماك
حياتي كلها لأجلك غرام وعشق متنامي
بروحي والعمر أشري هناك وبسمتك ورضاك
أموت ولا احتمل دمعة تجرح خدّك السامي
أنا صحراء الجفاف اللي تمنّت في ظماها ماك
حرام انك مطر عمري وأنا في دنيتك ظامي
يجوز انسى معك نفسي ولكن مستحيل أنساك
لحبك خافقي يمشي قبل لا تمشي أقدامي
ولكن لو حصل شي لروحي وفرقت دنياك
ومت وما قدرت اني معك أحقق أحلامي
دخيلك بس سامحني ولا تبكي علي عينك
وكثّر من دعا الرحمة وهذا منك اكرامي




( ذبحني الشوق )

ذبحني الشوق في غيابك ليالي الشوق في غيابك خذتني
نسيت الناس باسبابك وكل الناس بغيابك نستني
أنا اللي أكره النسيان .. أنا من غيرك اسم انسان
كتاب وصفحة من حرفين بلا معنى ولا عنوان صدقني
حبيبي وين قلّي وين سواليف النظر والعين
أنا مدري وش اللي صار .. ترا قلبي غدى محتار
علمني لو ان الزمن أقدار .. دنيانا غدت أسرار
طمّني


***

( لا تغلط )

لا تغلط تعاتب حد مو مهتم يسمع لك عتاب
لا عمرك تنادي اللي لو زلزل نداك الأرض ما جاوب جواب
عز نفسك لا يهينك .. داري في صدرك حنينك
مين يستاهل دموعك / كسرتك / عقدة جبينك ؟
من كل صدمة حب أنا وانت وقلبي سالمين
احبس جروحك بروحك .. قل على الله شكوتي
لا يهز الضعف نوفك .. اصحى تغلط غلطتي
لا ترجل ما يزيد الا عناد
اتركه يقدم جديده .. كل شي له وقت عاد


***

( في غيابكـ )

في غيابك ليه أنا اللي أحترق وأسهر وأعاني ؟
في غيابك انخطف لون المعاني وانكسر صوت الأغاني
وانكسف وجه المدينة وصارت الدنيا تعاني
في غيابك صرت في الدنيا وحيد .. كل ما حولي بعيد
كل ما ناديت " وينك " جيتني بثوب جديد
للأسف ماهو بثوبك وصارت اوجاعي تزيد
في غيابك أحيا بأسبابك وأموت .. ومابقى في الصدر صوت
عيّت اللحظة تمرّ .. وعيّت الساعة تفوت
وصار يتعبني الحكي .. وصار يعجبني السكوت !
ايه .. السكوت


***

( ليش )

ليش انت كل ما تضيق الدنيا في عينك تجيني
والى ضاقت الدنيا في عيني أدوّر حولي وما ألقاكـ ؟
راحت حياتي تساؤل بين عقلي وبين عيني
من كثر الجفا أصبح الوقت يتحداني بليّاك
آهـ لو تدري ويدري قلبكـ القاسي
كيف أعاني وكيف أصبّر فيك احساسي
يا حبيبي ودّي أفرح لكن آلامي تباريني
حتى دمعي جف من عيني من بعدك وفرقاك
شوف قلبي شوف حزني كيف لفّوا معصم يديني
كيف اسامح وانت دايم تجرح القلب بسواياك
كيف ابشكي وانت قاضي حبنا بينك وبيني
كيف ابرحل وانت آسر قلبي المغرم بقسواك
لا تكابر بكرة تدري وترجع لعقلك تناديني
بكرة تعرف وش خسرت ووش فقدك ومن تمناك
آهـ لو تدري ويدري قلبك القاسي
كيف بتعاني وتشرب المرّ من كاسي


***

( حالة حنان )

اشتاق لك وانت الوطن في عيوني من زمان
من زمان حالة حنان بخاطري يا سيدي
اشتاق لك وانت الغلا وأحس بعيونك أمان
يملا المكان في ناظري يا سيدي
من قال لك قلبي دله ؟ وانت معي كلّي وله
انت الضوا يا آسري
ابحر بجوفي عدال .. يالله تعال
ياللي هواك هو الهوى في كل حي
ياللي العيون وأقصى الفؤاد هو مسكنك





[ وحشتني ]

.. آلـو ..

وحشتني .. وحشني حُبكَ ..
وحشتني كل ضحكه في قربكَ ..

عاد آلمكان آلي في قلبكَ ..
هو مكاني والا خذيته !!

ياحبيب آلقلب وين انت .. ياحبيبي
ياحبيب آلقلب لكَ انت .. ياحبيبي

وحشتني ..

ي آلله تعال ودي آشوفكَ ..
عساها ماتمنع ظروفكَ !!

ليل نجوم وآنا ضيوفكَ ..
وانتَ قمرنا آلي ضويته ..

وحشتني وحشني حُبكَ ..
وحشتني كل ضحكه في قربكَ ..

عاد آلمكان آلي في قلبكَ ..
هو مكاني وآلا خذيته ..

ياحبيب آلقلب وين انت ..
ياحبيب آلقلب لكَ انت ..

وحشتني ..

::
::

[ يحرم عليّ ]

يحرم عليّ آنساك آنا .. آموؤت وماآنساك ..
بصبر على فرقاك .. لو طوّل علي فرقاك ..

ذبحتني وآنا آنتظر .. هذا آلوعد على آلساعه ..
وآلوقت عيّا لايمر .. وقلبي صبره ضيعه ..

بديت آحس إن آلعشق .. في من شراه ومن باعه ..
وآنا عشقتك بصدق .. ومايزيدك اقناعه ..

في قلبي لك غلا إنآسر .. وسط آلصدر بين اضلاعه ..
حب زرعته لك زهر .. عطر اغتنوبه صناعه ..

ومن آلغلا ليلي سهر .. يبني بها آلشوق آطماعه ..
محتاج منك لو سفر .. ينصب على الحب اشراعه ..

تعال ولك قلبٍ آمر .. لبيك سمعاً وطاعه ..
ماينثني عزمه دهر .. ولا يرده مناعه ..

ولهان ومللني آلصبر .. وآنا آنتظر على آلساعه ..
وآلوقت عيّا لايمر .. وقلبي صبره ضيعه ..

مآ شآء آلله سلمت آيآديگ على موضوگ آلمميز و چعلهآ في ميزآن حسنآتگ

شكراً لك

منورين الف هلا وغلا

يعطــــــــــ العافيه ـــــــــيك

منورين الف هلا وغلا