انت ذهب كلمات فزاع

انت ذهب كلمات فزاع


انته ذهب من دون ما تلبس ذهـب وش له تروح السوق واتدور عليه
سبحان من سواه و جلّ من وهـب حـلاك بيدينـك كأنـك منتقـيـه
شفايفك جمره و ثغرك مـن لهـب خايف على خدك لهب ثغرك يجيـه

لو كان رمشك ينهب كـان انهـب من كل عاقل شاف رمشك او سفيه
لا ترتهب ما فيـه واحـد يرتهـب من واحـد يحبـه و خفاقـه يبيـه
انا في مهب الريح الا انت افـمهب شوقٍ سكن قلبي و قلبي محتويـه

ذهب معك قلبي يا ليته مـا ذهـب لاقلت عوّد قال انا با مـوت فيـه
تدري وش يخلي جروحي تلتهـب اني اخلـي شـي وانـا مشتهيـه
انت ذهب من دون ما تلبس ذهـب وش له تروح السوق و اتدور عليه

مآ شآء آلله سلمت آيآديگ على موضوگ آلمميز و چعلهآ في ميزآن حسنآتگ

شكراً لك