صار اسنين احبك حرك اضنونك

أحب نضرات عينك من تطول وياي لأن روحي ترد من نضرت عيونك

وأحب قوس الحواجب والرمش والعين وأحب لون العيون وضحكت سنونك

وأحب شامات خدك والشكل والطول يل طولك حلو ما يدري شلونك

...
الناس تصيح ابيض وناس خمري اتصيح عمي الناس صدك داخت بلونك

احبن بيك كلشي وكلشي احبن بيك واحبن بيك وحدي وما يحبونك

وثق من اريد الزمك ما اهدك دوم اكعد روحي بيك وما يفلونك

طول نظرات عينك انه احبها هواي لا تبخل عليه بنظرة عيونك

وسولف بلا عيون للعين هم لسان وحرك جفن عينك لليحبونك

وصار اسنين احبك وانته تعرف زين معقوله الكلب ما حرك ضنونك ؟؟

ما شاء الله أبداع بلا حدود و بانتظار أبداعاتكالقادمة