مالك يا دنيا

مالك يا دنيا ايه اللى فيكى اتغير
مالك يا دنيا طبعك غريب ويحير
كل مره بقول فهمتك بحس انى لسه صغير

مالك يا دنيا ساعات بتبقى واضحه وباينه
مالك يا دنيا ساعات ببقى شايفك خاينه
خلتينى كتير خصمتك وبرجع بقول مش هاينه

ساعات بنسى عذابك ليا واداوى فى جرحى واطيب
واعمل قلبى بحور حنيه واضم بعيد وقريب
ساعات بندم واكره فيا الواد ابو قلب طيب

زمان كنت بصبر نفسى وادوس على قلبى وارضى
رضيت بألمى وجرحى ويأسى ورضيت من غير معارضه
مفيش حلم من اللى فى نفسى اتحقق من النهرده

زمان كنت يادنيا بحبب صحبى مابين اعداءه
وكان جرحى اما بيتأدب فى قلبى طبيب لدائى
الايام دى اللى بيتدوتك بيختمها بفراقى

الايام دى ساعات بستغرب هى ازاى متعاشه
ناس للشر بقت تستغرب وناس بتزيد وحاشه
الايام دى يا دنيا الاغرب عملتى الندل باشا

زمان وانا دمعتى على خدى والالامى بتكوى فيا
كنت بقول ايام وتعدى وتروقى يا دنيا ليا
مليون حلم زرعته بيدى وطرح جرح وقسيه
مليون زكرى لمليون جرح وجرح كان ظالمنى
كل ما اسلم قلبى لواحد بيطلع اقوى منى
وصلتينى انى بقيت واحد بجد مش فهمنى
شوفتى بعينى عيون تتهنى وعيونى تبات بتدمع
واقول ياض اصبر واستنى واطفى فى نار بتوجع
كل دا انا شايفه بقيت بتمنى ياريت الماضى يرجع

جزاك الله كل خير اخيالكريم